जिल्हा ग्रामिण विकास यंत्रणा

    जिल्हा ग्रामिण विकास यंत्रणा, अहिल्यानगर हि स्वायत्त संस्था असून स्थापना दिनांक २ फेब्रुवारी १९८२ रोजी झाली. जिल्हा ग्रामीण विकास यंत्रणा अहिल्यानगर कार्यालय मार्फत विविध केंद्र व राज्य पुरस्कृत योजनांची अंमलबजावणी करण्यात येत आहे.

    जिल्ह्यात दारिद्र रेषेखाली असणारे कुटुंबाकरिता मुलभूत सुविधा पुरवण्याचे कार्य या कार्यालयामार्फत करण्यात येते. ग्रामीण भागातील दारिद्र रेषेखालील असणाऱ्या कुटुंबांचे जीवनमान उंचावण्याकरिता त्यांना पक्की घरे, निवारा व आर्थिक आणि व्यावसायिक योजना राबवणे व त्यांचा कृतीसंगम करुन विकास करण्यासाठी जिल्हा ग्रामीण विकास यंत्रणा, अहिल्यानगर हे कार्यालय कटिबद्ध आहे.

विभागाची महत्त्वाची कार्ये:

१. केंद्र शासन पुरस्कृत योजनांची अंमलबजावणी करणे.

२. दारिद्र्य रेषेखालील कुटुंबांना वैयक्तिक व सामुहिक योजनांमध्ये लाभ देणे.

३. दारिद्र्य रेषेखालील कुटुंबांची स्वरोजगारासाठी कर्ज प्रकरणे हाताळणे.

४. लाभार्थींना आपले उत्पन्न वाढविता यावे यासाठी गुंतवणूक किंवा उत्पादक उद्योग धंदे काढण्याच्या दृष्टीने आदर्श योजना तयार करणे.

५. DISHA (District Development Coordination and Monitoring Committees) समितीची बैठक घेणे.

राबवण्यात येणाऱ्या योजना:

१. केंद्र व राज्य पुरस्कृत आवास योजना

२. महाराष्ट्र राज्य ग्रामीण जीवनोन्नती अभियान

उमेद- महाराष्ट्र राज्य ग्रामीण जीवनोन्नती अभियान (MSRLM) जिल्हा अहिल्यानगर अंतर्गत स्थापन करण्यात आलेल्या प्रभागसंघाच्या माध्यमातून श्रीरामपूर व राहुरी या दोन तालुक्यातील एकात्मिक शेती विकास प्रकल्पातर्गत खालील पदे भरण्यासाठी अर्ज मागविण्यात येत आहेत.